Iter ad Casam Iubam Ravam

     Nomen mihi est Gaius Tullius Valerianus Germanicus. Nomen uxori meae est Appia Gratia Avita. Quattuor liberos habemus. Andreas (qui XVIII annos natus est) et Elias (qui XVI annos natus est) sunt filii Avitae, privigni mei. Aidanus est filius adoptivus noster. Quoque habemus filium alumnum (qui mox, ut speramus, erit filius adoptivus!), nomine Christophorus. Familia mea in urbe Phoenice (in civitate Arizona) habitat.

     Hodie (die Veneris, a.d. XV Kalendas Iunias A.U.C. MMDCCLXXI), iter faciemus ex urbe Phoenice ad oppidum Rivum Christophorensem (Christopher Creek, AZ,  Anglice), prope oppidum Paysoniam (Payson, AZ, Anglice). Ibimus ad Casam Iubam Ravam (Grey Hackle Lodge), nam convivium damus pro Andrea, qui diploma scholae adipiscetur die Lunae (a.d. XII Kalendas Iunias A.U.C. MMDCCLXXI).